سٹاک مارکیٹ میں زبردست تیزی، 100 انڈیکس پہلی بار 1 لاکھ 87 ہزار 454 پوائنٹس پربند

پاکستان اسٹاک ایکسچینج (PSX) میں کاروباری ہفتے کے پہلے روز سرمایہ کاروں کا زبردست اعتماد دیکھنے میں آیا ہے، جس کے باعث مارکیٹ شاندار تیزی کے ساتھ ریکارڈ مثبت زون میں بند ہوئی۔

مارکیٹ میں زبردست خریداری کے رجحان کے باعث کاروبار کے اختتام پر بینچ مارک 100 انڈیکس 2 ہزار 82 پوائنٹس کے نمایاں اور بڑے اضافے کے بعد ملکی تاریخ میں پہلی بار 1 لاکھ 87 ہزار 454 پوائنٹس کی نئی نفسیاتی حد پر بند ہوا۔ اس ریکارڈ ساز تیزی نے سرمایہ کاروں کے حوصلے بلند کر دیے ہیں۔

آج مارکیٹ میں ٹریڈنگ کے دوران مجموعی طور پر 564 کمپنیوں کے شیئرز کا لین دین ہوا۔ سرمایہ کاروں کی فعال شرکت کے باعث ان میں سے 296 کمپنیوں کے شیئرز کی قیمتوں میں نمایاں اضافہ ریکارڈ کیا گیا، جبکہ 182 کمپنیوں کے شیئرز کی قیمتوں میں کمی دیکھی گئی۔ دوسری جانب، مارکیٹ میں موجود باقی کمپنیوں کے شیئرز کی قیمتیں بغیر کسی بڑی تبدیلی کے تقریباً مستحکم رہیں