الیکٹرک بسوں کی سہولت دیہی علاقوں تک پہنچائی جا رہی ہے: مریم نواز
Web Desk
6 July 2026
وزیراعلیٰ پنجاب مریم نواز شریف نے ایک تاریخی اقدام کا اعلان کرتے ہوئے کہا ہے کہ صوبے کی تاریخ میں پہلی بار الیکٹرک بسوں کی جدید سفری سہولت کو دیہی علاقوں تک پہنچایا جا رہا ہے۔ انہوں نے واضح کیا کہ مضبوط دیہی معیشت ہی دراصل ایک ترقی یافتہ اور خوشحال پاکستان کی ضمانت ہے۔
دیہی آبادی کی ترقی کے عالمی دن کے موقع پر اپنے ایک خصوصی پیغام میں وزیراعلیٰ پنجاب نے ملکی ترقی، زرعی پیداوار اور غذائی تحفظ (Food Security) میں دیہی برادریوں کے گراں قدر کردار کو زبردست خراجِ تحسین پیش کیا۔ انہوں نے کہا کہ زراعت میں کلیدی کردار سے لے کر صدیوں پرانی روایات کی پاسداری تک، دیہات ہمارے معاشرے کی حقیقی روح ہیں اور پنجاب حکومت انہیں تعلیم، صحت، ہنر اور پائیدار روزگار فراہم کر کے بااختیار بنانے کے لیے پُرعزم ہے۔
وزیراعلیٰ مریم نواز شریف کا کہنا تھا کہ ستھرا پنجاب پروگرام صفائی مہم پہلی مرتبہ شہری علاقوں کے ساتھ ساتھ اب پنجاب کے دیہات میں بھی مکمل طور پر فعال کر دی گئی ہے۔ اپنا کھیت، اپنا روزگار اسکیم خالصتاً دیہی علاقوں میں رہنے والے بے روزگار افراد کی معاشی مدد کے لیے متعارف کرائی گئی ہے۔مثالی گاؤں پراجیکٹ کے تحت صوبے کے 2 ہزار 400 سے زائد دیہات کو بنیادی شہری سہولیات سے آراستہ کرنے کے لیے اس پراجیکٹ پر تیزی سے کام جاری ہے، جس کے تحت صاف پانی کے واٹر فلٹریشن پلانٹس، پارکس اور بچوں کے کھیلنے کے میدان بنائے جا رہے ہیں۔ لوکل روڈز پروگرام کے تحت 1,500 سے زائد ترقیاتی منصوبوں کے ذریعے 3,300 کلومیٹر سے زائد لمبی دیہی سڑکوں کی تعمیر و مرمت کا کام جاری ہے۔ سوہنے پنڈ پنجاب دے پروگرام اسکیم کے تحت دیہات میں پختہ گلیوں کی تعمیر، اندرونی سڑکوں کی بحالی، چلڈرن پارکس کا قیام اور بڑے پیمانے پر شجرکاری کی جا رہی ہے۔
وزیراعلیٰ پنجاب کا مزید کہنا تھا کہ دیہی آبادی میں سرمایہ کاری کرنا دراصل زیادہ لچکدار اور مضبوط معاشرے کی بنیاد رکھنے کے مترادف ہے، کیونکہ ہمارے دیہات غذائی تحفظ کو یقینی بنانے اور طویل مدتی اقتصادی استحکام پیدا کرنے کی بے پناہ صلاحیت رکھتے ہیں۔
متعلقہ عنوانات
بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل
19 November 2026
عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع
19 November 2026
تقسیم اور لوگوں کو آپس میں لڑانے کی کوششیں ناقابل قبول ہیں: مراد علی شاہ
19 November 2026
بلاول بھٹو کے بیان پر وفاقی وزرا کی چیخیں نکل رہی ہیں: سعید غنی
19 November 2026
تعلیم حکومتوں کی ترجیح نہیں، تعلیمی نظام تباہ ہو رہا ہے: حافظ نعیم الرحمان
19 November 2026
وزیراعلیٰ پنجاب نے صوبے میں پنچائیت نظام کی اصولی منظوری دیدی
18 November 2026
میڈ اِن رشیا فورم میں شریک پاکستانی تجارتی وفد کے اعزاز میں سفیر پاکستان کا خصوصی عشائیہ
18 November 2026
معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک
18 November 2026