یاسمین راشد سمیت اسیر رہنماؤں کا چیئرمین پی ٹی آئی اور سیکریٹری جنرل کو جیل سے خط
Web Desk
2 July 2026
پاکستان تحریک انصاف (پی ٹی آئی) کے اسیر رہنماؤں نے آزاد جموں و کشمیر کے انتخابات کے بائیکاٹ کے فیصلے کے برعکس پارٹی چیئرمین اور سیکریٹری جنرل کو ایک اہم خط لکھ دیا ہے، جس میں انتخابی عمل کا حصہ بننے کی درخواست کی گئی ہے۔
پی ٹی آئی کے اسیر رہنماؤں شاہ محمود قریشی، ڈاکٹر یاسمین راشد اور جیلوں میں قید دیگر پارٹی رہنماؤں نے مشترکہ خط کے ذریعے چیئرمین اور سیکریٹری جنرل پی ٹی آئی سے اپیل کی ہے کہ پارٹی آزاد جموں و کشمیر کے انتخابات میں حصہ لے۔ خط میں مؤقف اختیار کیا گیا ہے کہ آزاد جموں و کشمیر سپریم کورٹ کے فیصلے کے باوجود ہمیں بطور جماعت الیکشن میں جانا چاہیے۔ اسیر رہنماؤں کا کہنا ہے کہ ہم نے جیل میں آزاد جموں و کشمیر کے انتخابات پر تفصیلی مشاورت کی ہے اور ہم اس نتیجے پر پہنچے ہیں کہ بائیکاٹ کے بجائے انتخابی میدان میں اترنا چاہیے۔
خط میں مزید کہا گیا ہے کہ ہم نے مل کر یہ فیصلہ کیا ہے کہ پی ٹی آئی کے حمایت یافتہ امیدواروں کو اس انتخابی عمل میں لازمی حصہ لینا چاہیے، جبکہ پارٹی کو چاہیے کہ وہ ان تمام امیدواروں کے ناموں کی باقاعدہ فہرست شائع کرے جو پارٹی کے حمایت یافتہ ہوں گے۔
پی ٹی آئی کے ذرائع نے تصدیق کی ہے کہ اسیر قائدین نے الیکشن میں حصہ لینے کا یہ اہم پیغام اور خط اپنے وکیل کے ذریعے پارٹی کی اعلیٰ قیادت تک پہنچایا ہے۔
متعلقہ عنوانات
بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل
19 November 2026
عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع
19 November 2026
تقسیم اور لوگوں کو آپس میں لڑانے کی کوششیں ناقابل قبول ہیں: مراد علی شاہ
19 November 2026
بلاول بھٹو کے بیان پر وفاقی وزرا کی چیخیں نکل رہی ہیں: سعید غنی
19 November 2026
تعلیم حکومتوں کی ترجیح نہیں، تعلیمی نظام تباہ ہو رہا ہے: حافظ نعیم الرحمان
19 November 2026
وزیراعلیٰ پنجاب نے صوبے میں پنچائیت نظام کی اصولی منظوری دیدی
18 November 2026
میڈ اِن رشیا فورم میں شریک پاکستانی تجارتی وفد کے اعزاز میں سفیر پاکستان کا خصوصی عشائیہ
18 November 2026
معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک
18 November 2026