پاکستان سٹاک مارکیٹ میں نیا ریکارڈ قائم! ایک لاکھ 85 ہزار پوائنٹس کی حد بھی عبور

پاکستان اسٹاک ایکسچینج (PSX) میں کاروباری سرگرمیوں کا مثبت اور جاندار رجحان برقرار ہے، جس کے نتیجے میں ہنڈرڈ انڈیکس نے ایک اور بڑا سنگِ میل عبور کرتے ہوئے 1 لاکھ 85 ہزار پوائنٹس کی نفسیاتی حد کو بھی پیچھے چھوڑ دیا ہے۔

کاروباری ہفتے کے چوتھے روز (جمعرات) مارکیٹ کے آغاز سے ہی سرمایہ کاروں کی جانب سے زبردست جوش و خروش دیکھا گیا۔ کاروبار کے ابتدائی سیشن کے دوران ہی انڈیکس میں 1500 سے زائد پوائنٹس کا زبردست اضافہ ریکارڈ کیا گیا، جس سے پاکستان اسٹاک مارکیٹ کا ہنڈرڈ انڈیکس 1 لاکھ 85 ہزار 665 پوائنٹس کی نئی تاریخی سطح پر پہنچ گیا۔

مارکیٹ تجزیہ کاروں کے مطابق، اسٹاک مارکیٹ میں تیزی کا یہ تسلسل گزشتہ روز کی شاندار کارکردگی کا تسلسل ہے۔ واضح رہے کہ گزشتہ کاروباری دن کے اختتام پر بھی مارکیٹ میں 3 ہزار 748 پوائنٹس کا غیر معمولی اور نمایاں اضافہ دیکھا گیا تھا، جس کے بعد انڈیکس 1 لاکھ 84… ہزار 50 پوائنٹس کی سطح پر بند ہوا تھا۔ معاشی ماہرین اس مسلسل تیزی کو ملکی معیشت پر سرمایہ کاروں کے بڑھتے ہوئے اعتماد کا مظہر قرار دے رہے ہیں۔