پاکستان سٹاک ایکسچینج میں انڈیکس ایک لاکھ 81 ہزار پوائنٹس کی حد پر بحال

پاکستان سٹاک ایکسچینج (PSX) میں کاروباری ہفتے کے تیسرے روز (بدھ کو) کاروبار کے آغاز پر ہی زبردست تیزی کا رجحان دیکھا جا رہا ہے، جہاں ہنڈرڈ انڈیکس ایک لاکھ 81 ہزار پوائنٹس کی نفسیاتی حد پر بحال ہو گیا ہے۔

مارکیٹ ذرائع کے مطابق، بدھ کی صبح جیسے ہی ہاؤس میں تجارتی سرگرمیوں کا آغاز ہوا تو سرمایہ کاروں کی جانب سے مثبت ردعمل سامنے آیا۔ اس زبردست سرمایہ کاری کے نتیجے میں مارکیٹ میں پینک کے بجائے تیز رفتار ریکوری دیکھی گئی اور ہنڈرڈ انڈیکس میں 1,000 سے زائد پوائنٹس کا بھاری اضافہ ریکارڈ کیا گیا۔ اس تیزی کے ساتھ ہی پاکستان سٹاک ایکسچینج کا 100 انڈیکس بڑھ کر ایک لاکھ 81 ہزار 318 پوائنٹس کی ریکارڈ سطح پر پہنچ گیا ہے۔

واضح رہے کہ گزشتہ کاروباری دن (منگل) کے اختتام پر سٹاک مارکیٹ میں پرافٹ ٹریکنگ اور معمولی مندی دیکھی گئی تھی، جس کے بعد انڈیکس ایک لاکھ 80 ہزار 301 پوائنٹس کی سطح پر بند ہوا تھا۔ تاہم، آج کاروبار کے آغاز سے ہی ملکی و غیر ملکی سرمایہ کاروں کے اعتماد میں اضافہ دیکھا جا رہا ہے جس سے انڈیکس دوبارہ نئی بلندیوں کی طرف گامزن ہے۔