LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار نظام کی اصلاح اور قومی فیصلوں کا اختیار عوام کا ہے: طارق فضل چوہدری سندھ کے شہری علاقوں کے عوام غلام نہیں: خالد مقبول صدیقی حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ

پنجاب حکومت کا پاسکو سے ایک ملین میٹرک ٹن گندم خریدنے کا فیصلہ

Web Desk

9 June 2026

لاہور: حکومتِ پنجاب نے صوبے بھر میں آٹے اور گندم کی قیمتوں کو مستحکم رکھنے اور عوام کو ریلیف فراہم کرنے کے لیے پاکستان ایگریکلچرل اسٹوریج اینڈ سروسز کارپوریشن (PASCO) سے 1 ملین (10 لاکھ) میٹرک ٹن گندم خریدنے کا ایک بڑا اور اہم فیصلہ کیا ہے۔

وزیر اعلیٰ پنجاب مریم نواز شریف نے صوبائی ویٹ مارکیٹ میں استحکام لانے، آٹے کے نرخوں کو قابو میں رکھنے اور عام آدمی کے لیے سستا آٹا اور روٹی کی سستی فراہمی کو یقینی بنانے کے لیے پاسکو سے گندم کی اس خطیر کھیپ کی خریداری کی باقاعدہ منظوری دے دی ہے۔

صوبائی حکومت کی جانب سے جاری کردہ مارکیٹ گائیڈ لائنز کے مطابق، پاسکو سے خریدی گئی یہ گندم اوپن مارکیٹ اور فلور ملز کو فراہم کی جائے گی فلور ملوں کو یہ گندم 3300 روپے فی من کے حساب سے فراہم کی جائے گی تاکہ مارکیٹ میں آٹے کا بحران پیدا نہ ہو۔ اس اقدام کا بنیادی مقصد صوبے کے غریب اور متوسط طبقے کے لیے روٹی اور آٹے کی قیمتوں کو ان کی بساط کے اندر رکھنا ہے۔

پنجاب حکومت نے سوشل میڈیا اور دیگر حلقوں میں گردش کرنے والی ان افواہوں کو سختی سے مسترد کر دیا ہے جن میں دعویٰ کیا گیا تھا کہ پنجاب کے راستے سندھ سے خیبر پختونخوا (KP) کو گندم کی سپلائی روکی جا رہی ہے۔

صوبائی حکومت کے ترجمان نے واضع کیا: “پنجاب کے راستے سندھ سے کسی دوسرے صوبے کو گندم کی فراہمی روکنے پر پابندی کے تمام شواہد اور دعوے من گھڑت ہیں اور ان میں کوئی حقیقت نہیں ہے۔ سندھ سے خیبر پختونخوا کو گندم لے جانے والے ٹرکوں کو روکنے کے حوالے سے تاحال کوئی بھی شکایت رپورٹ نہیں ہوئی ہے۔”

حکام کا مزید کہنا ہے کہ پنجاب بھر میں گندم کے موجودہ اسٹاک کو ڈکلیئر کرنے اور اسے قانونی ریکارڈ پر لانے کا عمل تیزی سے جاری ہے، اور اس کا مکمل دستاویزی ڈیٹا تیاری کے آخری مراحل میں ہے۔

محکمہ خوراک کے ماہرین کے مطابق، موسمیاتی تبدیلیوں کے باعث پنجاب میں گندم کی موجودہ فصل کا دانہ ماضی کے مقابلے میں نسبتاً چھوٹا ہے، جس کی وجہ سے صوبے کی اپنی مجموعی غذائی ضروریات کو پورا کرنے کے لیے اسٹاک کا سائنسی ڈیٹا اکٹھا کیا جا رہا ہے۔ حکومت نے واضح کیا ہے کہ اپنی صوبائی ضروریات کو تسلی بخش طریقے سے پورا کرنے کے بعد، پنجاب اپنے ہمسایہ صوبے خیبر پختونخوا کو گندم کی بلا تعطل فراہمی کا اپنا برادرانہ اور آئینی فرض ہر قیمت پر پورا کرے گا۔