بلوچستان: فتنہ الہندوستان سے وابستہ 9 دہشت گرد خواتین کے سر کی قیمتیں مقرر

بلوچستان حکومت نے صوبے میں بدامنی پھیلانے اور دہشت گردانہ سرگرمیوں میں ملوث ’فتنہ الہندوستان‘ سے وابستہ 9 انتہائی مطلوب خواتین دہشت گردوں کے سر کی قیمتیں مقرر کرتے ہوئے ان سے متعلق معلومات فراہم کرنے پر 10 سے 15 لاکھ روپے کے انعام کا اعلان کر دیا ہے۔ حکومت کے مطابق یہ خواتین سادہ لوح اور عام خواتین کو ورغلا کر تخریب کاری کے مقاصد کے لیے استعمال کرتی رہی ہیں اور ان کا تعلق گوادر، جیونی اور تربت کے علاقوں سے ہے۔ مطلوبہ خواتین میں حنیفاں بی بی، عائشہ، رقیہ، حفصہ، زہرہ، امینہ بانی، زرمین اور عزیزاں شامل ہیں۔ ان میں سے 8 خواتین کے سر کی قیمت 10، 10 لاکھ روپے جبکہ عزیزاں کے سر کی قیمت 15 لاکھ روپے مقرر کی گئی ہے۔ ترجمان حکومت بلوچستان کے مطابق اطلاع دینے والے افراد کی شناخت مکمل طور پر خفیہ رکھی جائے گی اور شہری مقررہ رابطہ نمبرز پر معلومات فراہم کر سکتے ہیں۔