بھارتی شہر کان پور میں تربیتی طیارہ گر کر تباہ، پائلٹ اور انسٹرکٹر ہلاک

بھارت میں لڑاکا اور تربیتی طیاروں کے حادثات کا سلسلہ نہ تھم سکا، ریاست اتر پردیش کے شہر کان پور میں ایک دو انجن والا تربیتی طیارہ گر کر تباہ ہو گیا ہے۔ بھارتی میڈیا کی رپورٹس کے مطابق اس المناک حادثے کے نتیجے میں طیارے میں سوار پائلٹ اور انسٹرکٹر دونوں موقع پر ہی ہلاک ہو گئے ہیں۔ اطالوی ساختہ ’ٹیکنام‘ (Tecnam) تربیتی طیارے نے صبح ساڑھے 11 بجے پرواز بھری تھی، تاہم تقریباً 11 بج کر 50 منٹ پر ٹریننگ سینٹر واپسی کے دوران طیارہ حادثے کا شکار ہو گیا۔ حادثے کی اصل وجوہات فی الحال سامنے نہیں آ سکیں، تاہم بھارتی حکام کی جانب سے واقعے کی تحقیقات کا آغاز کر دیا گیا ہے۔