پمز ہسپتال کے واقعے نے قوم کو غم میں مبتلا کر دیا: حافظ نعیم الرحمٰن

ہے۔ امیرِ جماعتِ اسلامی حافظ نعیم الرحمٰن نے دھرنے کے شرکا سے خطاب کرتے ہوئے حکمران اتحاد (پی ڈی ایم) اور انتظامیہ پر سخت تنقید کی ہے۔حافظ نعیم الرحمٰن نے کہا کہ حکمران نااہلی، بدعنوانی اور ناقص گورننس کی انتہا پر پہنچ چکے ہیں۔ انہوں نے پمز ہسپتال میں آتشزدگی کے دلخراش واقعے کا حوالہ دیتے ہوئے کہا کہ اس سانحے نے پوری قوم کو غمزدہ کر دیا ہے۔ ان کے مطابق پمز ہسپتال میں سیکیورٹی اور حفاظتی اقدامات کا شدید فقدان تھا اور طبی عملے کی تربیت کا کوئی نظام موجود نہیں ہے۔ انہوں نے مزید کہا کہ سرکاری ہسپتال سے بچوں کے چوری ہونے اور ناقص انتظامات پر حکمرانوں کے لیے ڈوب مرنے کا مقام ہے، جبکہ افسران کو معطل کرنا ن لیگ کا روایتی ڈرامہ ہے۔ امیرِ جماعتِ اسلامی نے کراچی کے ہسپتالوں میں استعمال شدہ سرنجوں کے باعث بچوں میں ایچ آئی وی پھیلنے کی خبروں پر پاکستان پیپلز پارٹی کو نشانہ بناتے ہوئے کہا کہ سندھ میں صرف کرپشن ہو رہی ہے اور عوام کو بنیادی صحت تک میسر نہیں۔ انہوں نے 25 کروڑ عوام کے حقوق کا مقدمہ لڑنے کے عزم کو دہراتے ہوئے مطالبہ کیا کہ پیٹرولیم لیوی کو فوری طور پر ختم کر کے پیٹرول سستا کیا جائے اور آئی پی پیز کے ساتھ کیے گئے ناجائز و گراں قدر معاہدوں کو منسوخ کیا جائے۔