چین: شہری کے پیٹ سے 1.3 کلو وزنی پتھری نکال لی گئی

چین میں شعبہِ طب کا ایک انتہائی حیران کن اور نایاب ترین واقعہ سامنے آیا ہے، جہاں سرجنز نے ایک کسان کے مثانے (Urinary Bladder) کا کامیاب آپریشن کر کے اس کے اندر سے فٹ بال کے سائز جتنی بڑی، ریکارڈ 1.3 کلو گرام وزنی پتھری نکال لی ہے۔

بین الاقوامی خبر رساں اداروں کے مطابق، یہ غیر معمولی آپریشن چین کے مغربی صوبے گوانگ ڈونگ کے قصبے لانگ تانگ میں کیا گیا۔ متاثرہ مریض پچھلے تین سالوں سے شدید ترین تکلیف برداشت کر رہا تھا، لیکن اس نے اسے معمولی بیماری سمجھ کر نظر انداز کیے رکھا۔

“چن” نامی اس کسان کی تکلیف کی کہانی تین سال پہلے شروع ہوئی تھی، جس نے اس کی زندگی کو مفلوج کر کے رکھ دیا تھا:کسان کو پیشاب کرنے میں مسلسل اور شدید دشواری کا سامنا کرنا پڑتا تھا، حتیٰ کہ رفع حاجت کے لیے اسے بار بار اپنی پوزیشن اور زاویے تبدیل کرنے پڑتے تھے۔ شروع میں چن نے ان علامات کو بڑھتی عمر کے ساتھ ہونے والا عام پروسٹیٹ (Prostate) کا مسئلہ سمجھا اور کھیتوں کے کام سے چھٹی کے خوف سے اسپتال جانے کے بجائے درد کش ادویات کھاتا رہا۔وقت گزرنے کے ساتھ حالت اتنی بگڑ گئی کہ وہ گھر سے دور جانے سے کترانے لگا کیونکہ اسے رات بھر میں کئی کئی بار شدید تکلیف کے ساتھ اٹھنا پڑتا تھا

جب گھر والوں کے شدید اصرار پر چن کو اسپتال منتقل کیا گیا، تو وہاں کے ڈاکٹرز اس کے درمیانی جسم (Pelvis) کا ایکسرے اور اسکینز دیکھ کر دنگ رہ گئے۔ ایکسرے سے واضح ہوا کہ ایک بہت بڑی پتھری نے اس کے مثانے کی تقریباً تمام جگہ گھیر رکھی ہے اور پیشاب کے گزرنے کا راستہ بالکل بند ہو چکا ہے۔

اسپتال کے شعبہِ یورولوجی کے ڈپٹی چیف فزیشن ڈاکٹر لِن یوان (Dr. Lin Yuan) کے مطابق، اس پتھری کی پیمائش اور حجم کچھ یوں تھا: