LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

وفاقی آئینی عدالت کی اسلام قبول کرنے والی خاتون عائشہ کو اپنی مرضی سے رہنے کی اجازت

Web Desk

21 May 2026

وفاقی آئینی عدالت نے اسلام قبول کرنے والی لاہور کی رہائشی خاتون عائشہ (سابقہ نام سونیا) کو میڈیکل رپورٹ کی روشنی میں قانونی طور پر بالغ قرار دیتے ہوئے انہیں اپنی آزاد مرضی اور پسند کے مطابق زندگی گزارنے کی اجازت دے دی ہے۔ اس کے ساتھ ہی عدالت نے خاتون کے والدین کی جانب سے دائر کردہ حوالگی کی درخواست کو بھی مستقل طور پر نمٹا دیا ہے۔

کیس کی سماعت جسٹس عامر فاروق کی سربراہی میں قائم دو رکنی بینچ نے کی۔ سماعت کے دوران عدالت کے سامنے عائشہ کی عمر کے تعین کے لیے کرائے گئے میڈیکل ٹیسٹ کی تفصیلات پیش کی گئیں۔ ایڈیشنل ایڈووکیٹ جنرل پنجاب نے معزز عدالت کو آگاہ کیا کہ گزشتہ عدالتی حکم کے مطابق بچی کا طبی معائنہ مکمل کر لیا گیا ہے اور میڈیکل رپورٹ کے مطابق عائشہ کی اصل عمر 19 سے ساڑھے 19 سال کے درمیان ہے، جس سے ثابت ہوتا ہے کہ وہ قانوناً بالغ ہیں۔

وکیل وسیم ممتاز نے عدالت کو بتایا کہ چونکہ عدالتی دستاویزات اور فریقین کے دعووں میں عمر سے متعلق ابہام پایا جاتا تھا، اسی لیے میڈیکل بورڈ سے ٹیسٹ کرانا ناگزیر تھا۔ عدالت نے ہڈیوں کے ٹیسٹ (Ossification Test) کی اس حتمی رپورٹ کو ریکارڈ کا حصہ بناتے ہوئے ریمارکس دیے کہ چونکہ خاتون قانونی طور پر بالغ ثابت ہو چکی ہیں، اس لیے آئینِ پاکستان کے تحت انہیں اپنی مرضی سے رہنے اور اپنے مستقبل کے فیصلے خود کرنے کا مکمل اور قانونی حق حاصل ہے۔

جسٹس عامر فاروق نے اپنے ریمارکس میں واضح کیا کہ عائشہ اپنی آزاد مرضی سے فیصلہ کرنے کی مجاز ہیں، تاہم عدالت نے اخلاقی پہلو کو برقرار رکھتے ہوئے ہدایت کی کہ اگر عائشہ کے والدین ان سے ملاقات کرنا چاہیں تو بیٹی کی جانب سے ان کی اس خواہش کا احترام کیا جانا چاہیے۔ واضح رہے کہ گزشتہ سماعت پر عدالت نے حتمی فیصلے اور عمر کے تعین تک عائشہ کو عارضی طور پر دارالامان منتقل کرنے کا حکم دیا تھا۔

عدالتی ریکارڈ کے مطابق، لاہور سے تعلق رکھنے والی سونیا نے اپنی مرضی سے اسلام قبول کر کے اپنا نیا نام عائشہ رکھا تھا۔ انہوں نے عدالت کے روبرو اپنا باقاعدہ بیان ریکارڈ کرواتے ہوئے مؤقف اختیار کیا تھا کہ ان کے والدین اور خاندان والے ان پر اسلام چھوڑ کر دوبارہ عیسائیت اختیار کرنے کے لیے شدید ذہنی و جسمانی دباؤ ڈال رہے ہیں، جس کے باعث ان کی جان کو خطرہ ہے۔ عدالت نے عائشہ کے تحفظ کو یقینی بناتے ہوئے انہیں اپنی زندگی کا فیصلہ کرنے کی آزادی دے دی ہے۔