ایران آبنائے ہرمز کا محافظ ہے اور ہمیشہ رہے گا، ٹرمپ ٹول بہت زیادہ ہے: عباس عراقچی

ایرانی وزیرِ خارجہ عباس عراقچی نے امریکی صدر ڈونلڈ ٹرمپ کی جانب سے ایران کی بحری ناکہ بندی اور آبنائے ہرمز سے گزرنے والی شپمنٹس پر 20 فیصد ٹیرف عائد کرنے کے اعلان پر دلچسپ ردِعمل دیتے ہوئے کہا ہے کہ ایران ہمیشہ سے آبنائے ہرمز کا محافظ رہا ہے اور ہمیشہ رہے گا، تاہم وہ اس گزرگاہ پر ٹول ٹیکس لینے میں منصفانہ رویہ اختیار کرے گا۔ سماجی رابطے کی ویب سائٹ ‘ایکس’ پر اپنے ایک پیغام میں ایرانی وزیرِ خارجہ نے لکھا کہ امریکی صدر بالکل درست کہتے ہیں، جو بھی آبنائے ہرمز سے گزرنے والے تجارتی جہازوں کو محفوظ اور پُرامن راستہ فراہم کرتا ہے، اسے اس سروس کا معاوضہ ملنا چاہیے۔ عباس عراقچی نے طنزیہ انداز میں امریکی صدر کے فیصلے کا جواب دیتے ہوئے کہا کہ ایران خدمات کے معاوضے کی وصولی میں منصفانہ پالیسی اپنائے گا کیونکہ ٹرمپ کی جانب سے تجویز کردہ 20 فیصد فیس بہت زیادہ ہے۔