پاکستان سٹاک مارکیٹ میں شدید مندی، 3000 سے زائد پوائنٹس کی کمی

پاکستان اسٹاک ایکسچینج (PSX) میں مندی کا طوفان تھم نہ سکا اور مسلسل دوسرے روز بھی سرمایہ کاروں کو شدید نقصان کا سامنا کرنا پڑا ہے۔ کاروباری ہفتے کے دوسرے روز مارکیٹ کے آغاز سے ہی فروخت کا زبردست دباؤ دیکھا گیا، جس کے نتیجے میں کے ایس ای (KSE) 100 انڈیکس میں 2200 سے زائد پوائنٹس کی بڑی گراؤٹ ریکارڈ کی گئی اور انڈیکس 1 لاکھ 76 ہزار 553 پوائنٹس کی سطح پر آ گیا۔ واضح رہے کہ گزشتہ کاروباری دن بھی مارکیٹ شدید مندی کی زد میں رہی تھی جہاں انڈیکس 2314 پوائنٹس کی تاریخی کمی کے ساتھ 1 لاکھ 79 ہزار 927 پوائنٹس پر بند ہوا تھا، تاہم دوسرے روز بھی گراوٹ کا یہ سلسلہ رک نہ سکا جس نے مارکیٹ پر مایوسی کے بادل گہرے کر دیے ہیں۔