عالمی و مقامی سطح پر سونے کی قیمتوں میں کمی

عالمی مارکیٹ میں قیمتوں میں استحکام اور کمی کے اثرات مقامی صرافہ بازاروں پر بھی گہرے نظر آ رہے ہیں، جہاں بین الاقوامی اور ملکی سطح پر سونے اور چاندی کی قیمتوں میں نمایاں کمی ریکارڈ کی گئی ہے۔ صرافہ ڈیلرز کے مطابق، مقامی مارکیٹ میں روپے کی قدر میں بہتری اور عالمی رجحان کے باعث محض دو روز کے دوران فی تولہ سونا 16 ہزار 100 روپے سستا ہو چکا ہے، جس سے خریداروں کو بڑا ریلیف ملا ہے۔ ’آل پاکستان سپریم کونسل صرافہ جیمز اینڈ جیولرز ایسوسی ایشن‘ کی جانب سے جاری کردہ تازہ ترین اعداد و شمار کے مطابق:

• 24 قیراط فی تولہ سونا: 600 روپے کی مزید کمی کے بعد اب 4 لاکھ 76 ہزار 262 روپے کی سطح پر آ گیا ہے۔

• 10 گرام سونا: 515 روپے سستا ہو کر 4 لاکھ 8 ہزار 317 روپے کا ہو گیا ہے۔سونے کی دیکھا دیکھی مقامی بازار میں چاندی کی قیمتوں کو بھی بریک لگ گئی ہے۔ مارکیٹ رپورٹ کے مطابق، 24 قیراط فی تولہ چاندی 159 روپے سستی ہو گئی ہے، جس کے بعد اس کی نئی قیمت 8 ہزار 73 روپے فی تولہ مقرر کی گئی ہے