پی سی بی کا بڑا فیصلہ؛ حسن علی اور محمد عباس سمیت 5 کھلاڑیوں کو انگلش کاؤنٹی اور لیگ کرکٹ کے لیے این او سی جاری

لاہور: پاکستان کرکٹ بورڈ (PCB) نے قومی ٹیم کے پانچ کرکٹرز کو انگلینڈ میں کاؤنٹی اور مختلف کرکٹ لیگز کھیلنے کے لیے این او سی (NOC) جاری کر دیے ہیں۔ ان کھلاڑیوں میں فاسٹ بولر حسن علی، محمد عباس، محمد علی، فہیم اشرف اور اسپنر عثمان طارق شامل ہیں۔

پی سی بی کے اعلامیے کے مطابق، تجربہ کار فاسٹ بولر حسن علی کو یارکشائر کاؤنٹی کی نمائندگی کے لیے کلیئرنس دی گئی ہے، جبکہ محمد عباس ڈربی شائر کی جانب سے ایکشن میں نظر آئیں گے۔ ان کے علاوہ محمد علی، عثمان طارق اور فہیم اشرف کو انگلینڈ کی مقامی لیگز میں شرکت کے لیے این او سی جاری کیا گیا ہے۔ بورڈ کا یہ اقدام کھلاڑیوں کو بین الاقوامی سطح پر مختلف کنڈیشنز میں تجربہ حاصل کرنے کا موقع فراہم کرے گا، جو مستقبل میں قومی ٹیم کے لیے سود مند ثابت ہو سکتا ہے۔