پاک زمبابوے ویمن ٹی ٹوئنٹی سیریزمنگل سے کراچی میں شروع ہوگی

زمبابوے کے خلاف ون ڈے سیریز میں کلین سوئپ کے بعد پاکستان ویمنز کرکٹ ٹیم ٹی ٹوئنٹی سیریز کے لئے پر عزم ہے۔۔

پاکستان  اور زمبابوے کے درمیان ٹی ٹونٹی انٹرنیشنل ویمن سیریز منگل سے کراچی میں شروع ہوگی، ٹرافی کی رونمائی بھی  کر دی گئی، ٹرافی کے ساتھ کپتانوں کا فوٹو سیشن ہوا۔

پاکستان ویمن کپتان فاطمہ ثناء اور زمبابوے کی کپتان نو میکو سبانڈا نے پریس کانفرنس میں سیریز جیتنے کا عزم ظاہر کیا۔

قومی ویمن کپتان فاطمہ ثنا کا کہنا تھاکہ  ون ڈے انٹرنیشنل سیریز جیتنے کے بعد اعتماد میں مزید اضافہ ہوا ہے، آئی سی سی  ویمنز ٹی ٹونٹی  ورلڈ کپ سے قبل تیاریوں کو بہتر بنانے کا  اچھا موقع ہوگی۔

ٹی ٹونٹی سیریز کا تیاری کے لئے دونوں ٹیموں نے نیشنل اسٹیڈیم کراچی میں پریکٹس سیشن میں شرکت کی اور غلطیوں پر قابو پانے کی کوشش کی۔