اوورسیز پاکستانیوں کا اعتماد برقرار، روشن ڈیجیٹل اکاؤنٹ کے تحت 12.74 ارب ڈالر موصول

بیرون ملک مقیم پاکستانیوں کا ملکی معیشت پر اعتماد برقرار ہے، جہاں روشن ڈیجیٹل اکاؤنٹ (RDA) کے تحت اپریل 2026 تک مجموعی طور پر 12 ارب 74 کروڑ 70 لاکھ ڈالر موصول ہوئے ہیں۔ اسٹیٹ بینک کے مطابق ان اکاؤنٹس سے 2 ارب 5 کروڑ ڈالر بیرون ملک منتقل ہوئے جبکہ 8 ارب 14 کروڑ ڈالر مقامی سطح پر استعمال کیے گئے۔ اعداد و شمار ظاہر کرتے ہیں کہ نومبر 2020 سے اب تک مجموعی خالص سرمایہ کاری 1 ارب 83 کروڑ ڈالر رہی، جس میں اسلامک نیا پاکستان سرٹیفکیٹس 1 ارب 15 کروڑ ڈالر کے ساتھ سب سے مقبول سرمایہ کاری رہی۔ معاشی ماہرین کا کہنا ہے کہ اس اسکیم نے زرمبادلہ کے ذخائر کو مستحکم کرنے اور اوورسیز پاکستانیوں کو محفوظ سرمایہ کاری فراہم کرنے میں کلیدی کردار ادا کیا ہے۔