فیفا ورلڈ کپ شروع ہونے کے قریب، امریکہ میں روایتی جوش و خروش کا شدید فقدان

امریکہ میں فیفا ورلڈ کپ کا میلہ 11 جون سے سجنے والا ہے، لیکن ایونٹ کے قریب آنے کے باوجود عوام میں وہ جوش و خروش دیکھنے میں نہیں آ رہا جو عام طور پر فٹ بال ورلڈ کپ کا خاصہ ہوتا ہے۔ امریکی میڈیا کے مطابق، اس سرد مہری کا اثر براہِ راست سیاحت اور ہاسپیٹلیٹی سیکٹر پر پڑ رہا ہے، جہاں 80 فیصد ہوٹل مالکان نے شکایت کی ہے کہ بکنگ ان کے اندازوں سے کہیں کم ہے۔ کچھ ہوٹل مالکان نے تو اسے ایک ‘نان ایونٹ’ (Non-event) قرار دے دیا ہے، جو کہ 11 مختلف شہروں میں میچز کی میزبانی کرنے والے ملک کے لیے ایک تشویشناک صورتحال ہے۔