سٹاک مارکیٹ میں اتار چڑھاؤ، ہنڈرڈ انڈیکس مثبت زون میں بند ہوا

پاکستان سٹاک ایکسچینج میں کاروباری دن کا آغاز مندی کے ساتھ ہوا جہاں ایک موقع پر انڈیکس 1000 سے زائد پوائنٹس گر کر 1 لاکھ 62 ہزار 532 کی سطح پر آگیا تھا۔ تاہم، دن کے اختتام تک مارکیٹ سنبھل گئی اور ہنڈرڈ انڈیکس 793 پوائنٹس اضافے کے ساتھ 1 لاکھ 64 ہزار 742 پوائنٹس کی سطح پر بند ہوا۔ گزشتہ کاروباری روز انڈیکس 1 لاکھ 63 ہزار 948 پوائنٹس پر بند ہوا تھا۔ عالمی سطح پر بھی ایشیائی مارکیٹس میں ملا جلا رجحان رہا، جہاں جاپان اور جنوبی کوریا میں تیزی جبکہ ہانگ کانگ اور تھائی لینڈ میں مندی ریکارڈ کی گئی۔