عالمی اور مقامی مارکیٹ میں سونے کی قیمت میں بڑا اضافہ

پاکستان میں سونے کی قیمتوں میں ایک بار پھر تیزی کا رجحان سامنے آیا ہے۔ آل صرافہ ایسوسی ایشن کے مطابق مقامی مارکیٹ میں فی تولہ سونے کی قیمت 4 ہزار 400 روپے کے بڑے اضافے کے بعد 4 لاکھ 83 ہزار 962 روپے کی بلند ترین سطح پر پہنچ گئی ہے۔ اسی طرح 10 گرام سونے کی قیمت میں بھی 3 ہزار 772 روپے کا اضافہ ریکارڈ کیا گیا ہے، جس کے بعد اس کی نئی قیمت 4 لاکھ 14 ہزار 919 روپے ہو گئی ہے۔ عالمی مارکیٹ میں بھی سونے کی قیمت 44 ڈالر اضافے کے ساتھ 4616 ڈالر فی اونس تک جا پہنچی ہے، جس کا براہِ راست اثر مقامی قیمتوں پر پڑا ہے۔