کراچی: سونے کی قیمت میں ریکارڈ 5500 روپے کی کمی؛ عالمی مارکیٹ میں بھی ریٹ گر گئے

کراچی کی مقامی صرافہ مارکیٹ میں سونے اور چاندی کی قیمتوں میں بڑی کمی ریکارڈ کی گئی ہے۔ فی تولہ سونے کی قیمت 5500 روپے کمی کے بعد 4 لاکھ 79 ہزار 562 روپے کی سطح پر آگئی ہے، جبکہ 10 گرام سونا 4715 روپے سستا ہو کر 4 لاکھ 11 ہزار 147 روپے کا ہو گیا ہے۔ عالمی مارکیٹ میں سونے کی قیمت 55 ڈالر کی گراوٹ کے ساتھ 4572 ڈالر فی اونس پر آگئی ہے، جس کا براہِ راست اثر مقامی قیمتوں پر پڑا۔ دوسری جانب چاندی کی قیمتوں میں بھی مندی کا رجحان رہا اور فی تولہ چاندی 45 روپے سستی ہو کر 7766 روپے کی سطح پر بند ہوئی۔