پاکستان سٹاک ایکسچینج میں کاروبار کے آغاز پر شدید مندی

کراچی: پاکستان اسٹاک ایکسچینج (PSX) میں آج کاروبار کے دوران شدید مندی کا رجحان دیکھا جا رہا ہے، جہاں کے ایس ای 100 انڈیکس میں بڑی گراوٹ ریکارڈ کی گئی ہے۔

مارکیٹ ذرائع کے مطابق، کاروباری سیشن کے دوران انڈیکس میں 2385 پوائنٹس کی نمایاں کمی واقع ہوئی ہے، جس کے بعد 100 انڈیکس 1 لاکھ 66 ہزار 788 کی سطح پر ٹریڈ کر رہا ہے۔ معاشی ماہرین کے مطابق مارکیٹ میں فروخت کا دباؤ بڑھنے سے سرمایہ کاروں کے اعتماد میں کمی دیکھی جا رہی ہے، جس کا اثر براہِ راست انڈیکس کی کارکردگی پر پڑا ہے۔