بھارت اور اسرائیل سے کتب کی درآمد پر پابندی برقرار، وفاقی آئینی عدالت نے ہائیکورٹ کا فیصلہ کالعدم کر دیا
Web Desk
17 April 2026
وفاقی آئینی عدالت نے ایک اہم فیصلے میں بھارت اور اسرائیل سے کتب سمیت ہر قسم کی اشیاء کی درآمد پر پابندی کے حکومتی نوٹیفکیشن کو قانونی طور پر درست قرار دے دیا ہے۔ عدالت نے اس معاملے پر لاہور ہائیکورٹ کی جانب سے وفاقی حکومت کو دی گئی تمام ہدایات اور نظرثانی کے احکامات کو کالعدم کر دیا ہے۔
جسٹس عامر فاروق کی جانب سے جاری کردہ اکثریتی فیصلے میں واضح کیا گیا ہے کہ خارجہ پالیسی اور قومی سلامتی کے معاملات خالصتاً ایگزیکٹو (حکومت) کا صوابدیدی اختیار ہیں، اور عدلیہ ان حساس معاملات میں مداخلت نہیں کر سکتی۔ عدالت نے قرار دیا کہ یہ حکومت کا فیصلہ ہے کہ وہ کن ممالک کے ساتھ تجارتی تعلقات رکھنا چاہتی ہے، اور اگر عدلیہ اس حوالے سے احکامات جاری کرے گی تو یہ اختیارات سے تجاوز ہوگا۔
عدالت نے اپنے فیصلے میں آرٹیکل 9 کے تحت ‘پڑھنے کے حق’ کو بنیادی انسانی حق تو تسلیم کیا، تاہم یہ بھی واضح کیا کہ یہ حق ملکی قوانین اور خارجہ پالیسی کے تابع ہے۔ عدالت کے مطابق، اگرچہ بھارت سے قانون کی کتب سستی ملتی ہیں، لیکن ریاست کی خارجہ پالیسی اور 2019 میں آرٹیکل 370 کے خاتمے کے بعد بھارت سے تجارت پر عائد پابندی برقرار رہے گی۔ لاہور ہائیکورٹ نے قبل ازیں علم کی فراہمی کو بنیاد بنا کر حکومت کو نرمی برتنے کا حکم دیا تھا، جسے وفاقی آئینی عدالت نے یہ کہہ کر ختم کر دیا کہ ہائیکورٹ کے پاس اپنے طور پر ایسی کارروائی کا اختیار نہیں تھا۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026