LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار نظام کی اصلاح اور قومی فیصلوں کا اختیار عوام کا ہے: طارق فضل چوہدری سندھ کے شہری علاقوں کے عوام غلام نہیں: خالد مقبول صدیقی حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات

ڈرگ ڈیلر انمول عرف پنکی کیس میں اہم موڑ؛ آواز کی تصدیق کے لیے پولیس کا سٹی کورٹ سے رجوع

Web Desk

6 June 2026

سٹی کورٹ میں جوڈیشل مجسٹریٹ کی عدالت کے سامنے بدنام زمانہ مبینہ ڈرگ ڈیلر انمول عرف پنکی کے خلاف منشیات اور دیگر سنگین مقدمات کے معاملے میں ایک اہم تفتشی پیشرفت سامنے آئی ہے۔

کیس کی تفتیش کرنے والی پولیس ٹیم نے ملزمہ کی وائس ریکارڈنگ سمیت تمام اہم ڈیجیٹل شواہد فرانزک ٹیسٹ کے لیے پنجاب بھیجنے کی اجازت حاصل کرنے کی خاطر باقاعدہ طور پر عدالت سے رجوع کر لیا ہے۔تفتیشی افسر کی جانب سے سٹی کورٹ میں دائر کی گئی درخواست کے اہم نکات درج ذیل ہیں پولیس نے عدالت سے باقاعدہ درخواست کی ہے کہ کیس سے جڑے تمام ڈیجیٹل شواہد کو پنجاب کی جدید فرانزک لیبارٹری بھیجنے کی اجازت دی جائے۔ عدالت سے استدعا کی گئی ہے کہ ان تمام شواہد کی سائنسی اور تکنیکی مینوئل کے تحت فرانزک جانچ پڑتال کے لیے پنجاب لیبارٹری کو باقاعدہ حکم جاری کیا جائے

پولیس حکام نے عدالت کو کیس کے حوالے سے درپیش مروجہ چیلنج سے آگاہ کرتے ہوئے بتایا ہے کہ”ملزمہ انمول عرف پنکی کی موبائل وائس ریکارڈنگ، مختلف واٹس ایپ وائس میسجز اور کال ریکارڈنگ سمیت متعدد ناقابلِ تردید ڈیجیٹل شواہد کیس فائل کا حصہ ہیں۔ تاہم، دورانِ تفتیش جب ملزمہ کو یہ شواہد دکھائے اور سنائے گئے، تو اس نے ان ریکارڈنگز اور میسجز کے اپنے ہونے سے صاف انکار کر دیا ہے۔”

پولیس کے مطابق، ملزمہ کا موقف ہے کہ وائس میسجز اور کالز میں سنائی دینے والی آواز اس کی نہیں ہے بلکہ اسے پھنسانے کے لیے کسی اور کی آواز استعمال کی گئی ہے۔

پولیس نے جوڈیشل مجسٹریٹ کے سامنے یہ مؤقف اختیار کیا ہے کہ ملزمہ کے اس انکار کو جھوٹا ثابت کرنے کے لیے سائنسی تصدیق انتہائی ضروری ہے۔ وائس ریکارڈنگ، وائس میسجز اور کال ڈیٹا کو جب پنجاب کی جدید فرانزک لیبارٹری بھجوایا جائے گا، تو وہاں سے آنے والی باقاعدہ مینوئل رپورٹ سے یہ سو فیصد تصدیق ہو جائے گی کہ یہ آواز ملزمہ انمول عرف پنکی کی ہی ہے، جو کہ عدالت میں اسے سزا دلوانے کے لیے ایک فول پروف ڈیجیٹل ثبوت ثابت ہوگا۔ عدالت کی جانب سے اس درخواست پر فیصلہ جلد متوقع ہے۔