حکومت کا عوام کو جزوی ریلیف، پیٹرول کی قیمت میں کمی، ڈیزل برقرار

اسلام آباد: حکومت نے پیٹرولیم مصنوعات کی قیمتوں پر نظرثانی کرتے ہوئے پیٹرول کی فی لیٹر قیمت میں 4 روپے کمی کا اعلان کر دیا ہے، جبکہ ڈیزل کی قیمت میں کوئی تبدیلی نہیں کی گئی۔

پیٹرولیم ڈویژن کی جانب سے جاری اعلامیے کے مطابق پیٹرول اب 377 روپے 78 پیسے فی لیٹر میں دستیاب ہوگا، جبکہ ڈیزل کی قیمت 380 روپے 78 پیسے فی لیٹر برقرار رکھی گئی ہے۔

نئی قیمتوں کا نفاذ آج رات 12 بجے سے عمل میں آئے گا۔

حکومتی فیصلے کے تحت مٹی کے تیل کی قیمت میں 8 روپے 70 پیسے فی لیٹر اضافہ کیا گیا ہے، جس کے بعد اس کی نئی قیمت 280 روپے 70 پیسے فی لیٹر مقرر ہو گئی ہے۔

وزارتِ پیٹرولیم کے ذرائع کے مطابق پیٹرول پر لیوی میں نمایاں اضافہ کیا گیا ہے اور اب یہ 116 روپے 8 پیسے فی لیٹر ہو گئی ہے، جو پہلے 91 روپے 34 پیسے تھی۔

دوسری جانب ڈیزل پر لیوی میں کمی کرتے ہوئے اسے 68 روپے 93 پیسے سے کم کر کے 44 روپے 59 پیسے فی لیٹر مقرر کیا گیا ہے، جبکہ مٹی کے تیل پر لیوی کی شرح بدستور 20 روپے 36 پیسے فی لیٹر برقرار ہے۔