گلگت بلتستان اسمبلی انتخابات 2026؛ الیکشن کمیشن کی تیاریاں مکمل، پولنگ کا سامان پرزائیڈنگ آفیسرز کے حوالے کرنے کا عمل شروع

گلگت: گلگت بلتستان اسمبلی انتخابات 2026 کے معرکے کے لیے الیکشن کمیشن آف گلگت بلتستان کی جانب سے تمام تر مینوئل انتظامات اور تیاریاں مکمل کر لی گئی ہیں، جس کے بعد خطے میں سیاسی گہما گہمی عروج پر پہنچ چکی ہے۔

انتخابی شیڈول کے مطابق، الیکشن کمیشن کی نگرانی میں ریٹرننگ آفیسرز (ROs) کی جانب سے بیلٹ باکسز، بیلٹ پیپرز اور دیگر ضروری انتخابی سامان پرزائیڈنگ آفیسرز کے حوالے کرنے کا عمل باقاعدہ طور پر شروع کر دیا گیا ہے۔

انتخابی عمل کو شفاف اور وقت پر یقینی بنانے کے لیے الیکشن کمیشن نے درج ذیل پوزیشن اختیار کی ہے,گلگت بلتستان کے جغرافیائی حالات کو مدِ نظر رکھتے ہوئے دور دراز اور پہاڑی علاقوں کے پولنگ افسران کو انتخابی سامان کی ترسیل پہلے کی جا رہی ہے۔ تمام 24 حلقوں کے ریٹرننگ آفیسرز آج ہی کے دن سامان کی ترسیل کا عمل ہر صورت مکمل کریں گے۔مروجہ انتظامات کے تحت آج رات تک تمام انتخابی سامان کو سخت سکیورٹی میں خطے کے تمام تر پولنگ اسٹیشنز پر پہنچا دیا جائے گا۔

الیکشن کمیشن حکام کے مطابق، گلگت بلتستان اسمبلی انتخابات کے لیے باقاعدہ پولنگ کل 7 جون (بروز اتوار) کو صبح 8 بجے بغیر کسی وقفے کے شروع ہوگی، جو شام تک جاری رہے گی۔

تمام حلقوں میں امن و امان قائم رکھنے اور ووٹرز کو محفوظ ماحول فراہم کرنے کے لیے سکیورٹی کے انتہائی سخت مینوئل انتظامات کیے گئے ہیں، جبکہ حساس پولنگ اسٹیشنز پر اضافی نفری بھی تعینات کی جا رہی ہے۔ اب سب کی نظریں کل ہونے والے اس بڑے سیاسی دنگل پر لگی ہوئی ہیں۔