پی ایس ایل 11، اسلام آبادیونائیٹڈ نے کوئٹہ گلیڈی ایٹرزکو 8وکٹوں سے ہرادیا

پی ایس ایل الیون کے دلچسپ مقابلے جاری۔ اسلام آباد یونائیٹڈ نے کوئٹہ گلیڈی ایٹرز کو 8 وکٹوں سے شکست دے دی۔سمیر منہاس نے 82 اور شاداب خان نے 69 رنز کی ناقابل شکست اننگز کھیلی ۔

کوئٹہ گلیڈی ایٹرز نے پہلے بیٹنگ کی اور اسلام آباد یونائیٹڈ کو جیت کے لیے 184 رنز کا ہدف دیا ۔کوئٹہ گلیڈی ایٹرز نے پانچ وکٹوں کے نقصان پر183  رنز بنائے ۔حسن نواز 66 ، سعود شکیل 42، ٹام کرن29  ، شامل حسین 21 رنز بناکر نمایاں بیٹر رہے ۔اسلام آباد یونائیٹڈ کے شاداب خان نے تین ، سلمان ارشاد اور عماد وسیم نے ایک ایک کھلاڑی کو آؤٹ کیا۔

اسلام آباد یونائیٹڈ نے 184 رنز کا ہدف 18 اعشاریہ دو اوورز میں پورا کرلیا۔ سمیر منہاس 82 ، شاداب خان 69 اورڈیون کانوائے 18 رنز بناکر نمایاں بیٹر رہے ۔ کوئٹہ گلیڈی ایٹرز کے ابرار احمد نے دو کھلاڑیوں کو آؤٹ کیا۔