وزیرخزانہ سے امریکی ناظم الامور، امریکی بزنس فورم اورپاکستان بزنس کونسل کے وفود کی ملاقاتیں

وزیر خزانہ سینیٹر محمد اورنگزیب سے امریکی ناظم الامور نیٹلی بیکر کی ملاقات ہوئی، وزیر خزانہ نے کہا کہ ​امریکہ  نے پاکستان کے معاشی اصلاحاتی ایجنڈے اور استحکام کی کوششوں کی حمایت کا اعادہ کیا،​آئی ایم ایف پروگرام کے تحت اصلاحات کا عمل جاری رکھنے اور مالیاتی نظم و ضبط برقرار رکھنے کے عزم کا اعادہ کیا گیا۔

وزیر خزانہ سینیٹر محمد اورنگزیب سے پاکستان بزنس کونسل کے وفد کی بھی ملاقات ہوئی ،​وزیر خزانہ نے کاروباری برادری کو معاشی اصلاحات اور حکومتی اقدامات پر اعتماد میں لیا،​حکومت اور تاجر برادری کا پائیدار معاشی ترقی اور برآمدات بڑھانے کے لیے مل کر کام کرنے پر اتفاق ہوا۔

وفاقی وزیر خزانہ سینیٹر محمد اورنگزیب سے امریکی بزنس فورم کے وفد کی بھی  اہم ملاقات  ہوئی،​معیشت کی بہتری کے لیے امریکی کمپنیوں اور سرمایہ کاروں کی تجاویز پر تفصیلی غور ہوا۔​

​وزیر خزانہ نے وفد کو پاکستان کے بہتر ہوتے ہوئے میکرو اکنامک آؤٹ لک پر بریفنگ دی۔​مالیاتی اور بیرونی محاذوں پر پاکستان کی پیش رفت سے امریکی سرمایہ کاروں کو آگاہ کیا گیا۔

امریکی بزنس فورم کی جانب سے ٹیکس پالیسی کو منطقی بنانے اور کاروباری بوجھ کم کرنے کی تجاویز دی گئیں،​برآمدات میں اضافے کے لیے مراعات اور غیر ملکی زرمبادلہ کی سہولت فراہم کرنے کا مطالبہ کیا گیا۔

وزیرخزانہ نے کہاکہ سرمایہ کاری کا فروغ حکومت کی اولین ترجیح ہے، ​فریقین کا معاشی تبدیلی اور غیر ملکی سرمایہ کاری کے لیے مستقل رابطے میں رہنے پر اتفاق ہوا۔