پی ایس ایل، فخرزمان نے 2میچزکی پابندی کا فیصلہ چیلنج کردیا

لاہور قلندرز کے اوپنرفخر زمان نے دومیچز کی پابندی کے خلاف اپیل دائر کردی۔فخر زمان نے میچ ریفری روشن ماہنامہ کی جانب سے عائدکردہ دو میچز کی پابندی کے خلاف پی ایس ایل ٹینیکل کمیٹی میں اپیل دائر کی۔۔

ذرائع کا کہنا ہے کہ پی ایس ایل کی تین رکنی ٹیکنیکل کمیٹی فخر زمان کی اپیل پر سماعت کرے گی۔کمیٹی میچ ریفری روشن ماہنامہ کے فیصلے کا جائزہ لے گی۔ ٹیکنیکل کمیٹی میچ ریفری کے فیصلے اور فخر زمان کی اپیل کو سامنے رکھ کر اپنا فیصلہ سنائے گی۔

لاہور قلندرز اور کراچی کنگز کے میچ میں فخر زمان پر بال ٹیمپرنگ کا الزام لگا تھا۔اوپنر نے دو بار کی سماعت میں الزامات ماننے سے انکار کر دیا تھا۔تاہم میچ ریفری روشن ماہنامہ نے فخر زمان پر دو میچوں کی پابندی لگائی تھی۔