ایل پی جی کی سرکاری قیمت 225 ، صارفین سے 400 سے 450 روپے فی کلو وصولی، اوگرا کا نوٹس

اوگرا نے ملک بھر میں ایل پی جی کی سرکاری نرخ سے زائد قیمت وصول کرنے والے کمپنیوں کے خلاف نوٹس جاری کر دیا ہے۔ ترجمان اوگرا کے مطابق ایل پی جی سیکٹر کی مانیٹرنگ سخت کر دی گئی ہے اور مارچ 2026 کی مقررہ قیمتوں پر فروخت یقینی بنانے کے لیے فیلڈ انسپکشنز شروع کر دی گئی ہیں۔

بیان میں کہا گیا ہے کہ مارچ کے لیے ایل پی جی کی قیمت فی کلو 225 روپے مقرر ہے، جبکہ مارکیٹ میں فی کلو 400 سے 450 روپے وصول کیے جا رہے ہیں۔ گھریلو سیلنڈر کی قیمت بھی 2665 روپے والا 5 ہزار روپے تک فروخت ہو رہا ہے۔

اوگرا نے تمام صوبائی حکومتوں اور ضلعی انتظامیہ کو فوری کارروائی کی ہدایت کی ہے اور واضح کیا ہے کہ ایل پی جی مارکیٹ میں اوورچارجنگ برداشت نہیں کی جائے گی۔