LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

ام رباب چانڈیو کے دادا، والد اور چچا کے قتل کیس کا فیصلہ، تمام ملزمان بری

Web Desk

30 March 2026

سندھ کے ضلع دادو کی ماڈل کرمنل ٹرائل کورٹ نے امِ رباب چانڈیو کے خاندان کے تین افراد کے قتل سے متعلق ہائی پروفائل کیس کا فیصلہ سنا دیا ہے۔ جج حسن علی کلوڑ کی عدالت نے گواہوں کے بیانات اور وکلاء کے دلائل مکمل ہونے کے بعد تمام نامزد ملزمان کو بری کرنے کا حکم دیا ہے۔ یاد رہے کہ اس کیس کا فیصلہ گزشتہ روز محفوظ کیا گیا تھا جسے آج سخت سیکیورٹی میں سنایا گیا۔

17 جنوری 2018 کو میہڑ میں پیش آنے والے اس لرزہ خیز واقعے میں امِ رباب کے دادا کرم اللہ چانڈیو، والد مختیار چانڈیو اور چچا قابل چانڈیو کو قتل کر دیا گیا تھا۔ اس کیس میں ذوالفقار، علی گوہر، مرتضیٰ اور سکندر چانڈیو جیل میں تھے جبکہ پی پی پی کے ایم پی اے سردار احمد چانڈیو اور برہان خان چانڈیو سمیت دیگر ملزمان ضمانت پر تھے۔ امِ رباب چانڈیو اس وقت ملک گیر سطح پر توجہ کا مرکز بنی تھیں جب وہ انصاف کے حصول کے لیے ننگے پاؤں عدالت پہنچی تھیں۔

فیصلے کے موقع پر دادو میں سیکیورٹی کے انتہائی سخت انتظامات کیے گئے تھے، 700 سے زائد پولیس اہلکار تعینات رہے اور شہر میں دفعہ 144 نافذ کر دی گئی تھی۔ عدالتی احاطے میں میڈیا اور غیر متعلقہ افراد کے داخلے پر پابندی عائد تھی۔ سابق چیف جسٹس ثاقب نثار کے ازخود نوٹس اور برسوں کی قانونی جدوجہد کے بعد آنے والے اس فیصلے نے قانونی حلقوں میں نئی بحث چھیڑ دی ہے۔