کشمیر کے مسائل حل کیلئے’ ٹروتھ اینڈ ری کنسلی ایشن‘ کمیشن قائم کیا جائے: بلاول بھٹو

چیئرمین پاکستان پیپلز پارٹی بلاول بھٹو زرداری نے ڈڈیال میں انتخابی جلسے سے خطاب کرتے ہوئے آزاد کشمیر کے موجودہ حالات اور عوامی مسائل کے حل کے لیے ایک اہم تجویز پیش کی ہے۔ انہوں نے کہا کہ انہیں مظاہرین کی جانب سے ایک خط موصول ہوا ہے، جس کے بعد وہ یہ تجویز دے رہے ہیں کہ کشمیر کے مسائل کے مستقل اور پرامن حل کے لیے ایک ‘ٹروتھ اینڈ ری کنسلی ایشن’ کمیشن قائم کیا جائے۔ بلاول بھٹو کا کہنا تھا کہ موجودہ حالات ریاستِ پاکستان اور تمام سیاسی جماعتوں کے لیے ایک امتحان ہیں اور ان کا مقصد ذوالفقار علی بھٹو اور بینظیر بھٹو شہید کی طرح کشمیریوں کی آواز بننا ہے۔ انہوں نے مظاہرین سے اپیل کی کہ کمیشن کا کام مکمل ہونے تک احتجاج کا سلسلہ ختم کیا جائے، کیونکہ سیاسی خلا پیدا ہونے کی صورت میں انتہا پسند عناصر فائدہ اٹھا سکتے ہیں۔