پیٹرولیم مصنوعات کی روزانہ قیمتیں بدلنے کا فیصلہ مسترد

پاکستان پیٹرول پمپ ایسوسی ایشن نے حکومت کی جانب سے پیٹرولیم مصنوعات کی قیمتیں روزانہ کی بنیاد پر تبدیل کرنے کا فیصلہ قطعی طور پر مسترد کرتے ہوئے آئندہ ہفتے سے ملک گیر ہڑتال کا اعلان کر دیا ہے۔ ایسوسی ایشن کا مؤقف ہے کہ روزانہ قیمتوں میں ردوبدل کرنے سے پمپ مالکان اور عام صارفین دونوں شدید متاثر ہوں گے اور کاروباری نظام میں غیر یقینی صورتحال پیدا ہو جائے گی۔ پیٹرولیم ایسوسی ایشن پنجاب کے صدر عمیر چوہدری نے حکومت سے مطالبہ کیا ہے کہ وہ اس فیصلے کو فوری طور پر واپس لے، بصورتِ دیگر آئندہ ہفتے سے پورے ملک میں پیٹرول پمپس بند کر کے ہڑتال کی جائے گی، جس کی تمام تر ذمہ داری انتظامیہ پر عائد ہوگی۔