زرمبادلہ کے ذخائر4سال کی بلندترین سطح پر، پاکستان تجارتی گیٹ وے بن چکا، وزارت خزانہ

وزارت خزانہ کاکہناہےکہ پاکستان کا عالمی سفارتی کردار تیزی سے مضبوط ہو رہا ہے۔امریکہ، ایران اور خلیجی ممالک سے روابط میں اضافہ ہواہے جبکہ آئی ایم ایف سے معاہدے کے بعد معاشی اصلاحات درست سمت میں گامزن ہیں۔اورزرمبادلہ ذخائر چار سال کی بلند ترین سطح 21.7 ارب ڈالر تک پہنچ گئے ہیں۔

وزارت خزانہ  کی جانب سے جاری بیان کے مطابق آبنائے ہرمز تک رسائی میں بہتری ہونے سے شپنگ اور علاقائی استحکام کو فروغ ملا ہے۔۔ایندھن کی فراہمی میں بھی بہتری ہوئی ہے اورملک میں چارہفتوں کےلیے  ایندھن کے  ذخائرموجودہیں۔

وزارت خزانہ کاکہناہے کہ ایشیا کی تجارت کے لیے پاکستان بطور گیٹ وے ابھر رہا ہے،کرنٹ اکاؤنٹ سرپلس ہے جبکہ بڑی صنعتوں میں دو ہندسوں کی نمایاں ترقی ریکارڈہوئی ہے۔    یہ بھی کہاگیاہے کہ جی فائیو اسپیکٹرم نیلامی سے 500 ملین ڈالر سے زائد آمدن ہے۔عالمی سرمایہ کاروں کا اعتماد بحال ہواہے اور  اربوں ڈالر کی سرمایہ کاری کے اعلانات کیے گئے ہیں۔

وزارت خزانہ کے مطابق ترسیلات زر اور آئی ٹی برآمدات میں ریکارڈ اضافہ ہوا ہے، عوامی اعتماد میں 12 فیصد سے 40 فیصد تک کی نمایاں بہتری آئی ہے۔