سٹاک مارکیٹ میں شدید مندی، کاروبار کا منفی رجحان رہا

کراچی: پاکستان اسٹاک ایکسچینج (PSX) میں گزشتہ دو روز سے جاری تیزی کا تسلسل ٹوٹ گیا اور کاروباری ہفتے کے چوتھے روز مارکیٹ شدید مندی کی لپیٹ میں رہی۔ کاروبار کے آغاز سے ہی فروخت کا دباؤ دیکھا گیا، جس کے باعث سرمایہ کاروں کو اربوں روپے کا بھاری مالی نقصان برداشت کرنا پڑا۔

مارکیٹ ڈیٹا کے مطابق، کے ایس ای (KSE-100) انڈیکس میں 5,405 پوائنٹس کی بڑی کمی ریکارڈ کی گئی، جس کے بعد انڈیکس 1,52,907 کی سطح پر بند ہوا۔ واضح رہے کہ گزشتہ کاروباری روز کے اختتام پر انڈیکس 1,58,313 پوائنٹس کی بلند ترین سطح پر موجود تھا۔ ماہرینِ معیشت کا کہنا ہے کہ یہ مندی سرمایہ کاروں کی جانب سے منافع خوری (Profit Taking) اور بعض عالمی معاشی خدشات کے باعث دیکھنے میں آئی ہے، جس نے مارکیٹ کے مثبت رجحان کو عارضی طور پر بریک لگا دی ہے۔