سابق فاسٹ بالر کورنٹی والش پی ایس ایل 11 کیلئے پاکستان پہنچ گئے

لاہور: پاکستان سپر لیگ (PSL) کے 11ویں ایڈیشن کا جادو کل سے سر چڑھ کر بولے گا، جس کے لیے دنیا بھر سے کرکٹ ستاروں کی آمد کا سلسلہ تیز ہو گیا ہے۔ ویسٹ انڈیز کے سابق لیجنڈری فاسٹ بولر اور ‘راولپنڈیز’ کے بولنگ کوچ کورٹنی والش لاہور پہنچ گئے ہیں، جہاں ایئرپورٹ پر اسٹار بیٹر محمد رضوان اور سابق وکٹ کیپر راشد لطیف نے ان کا پرتپاک استقبال کیا۔ ان کے ہمراہ بنگلہ دیشی لیگ اسپنر رشاد حسین بھی اپنی ٹیم جوائن کرنے کے لیے پاکستان پہنچ چکے ہیں۔

پی ایس ایل 11 کا باقاعدہ آغاز کل لاہور کے تاریخی قذافی اسٹیڈیم میں ہوگا، جہاں دفاعی چیمپئن لاہور قلندرز اور حیدرآباد کے درمیان پہلا ٹکراؤ شام 7 بجے متوقع ہے۔ ‘راولپنڈیز’ کی ٹیم ایونٹ میں اپنی مہم کا آغاز 28 مارچ کو پشاور زلمی کے خلاف میچ سے کرے گی۔

اہم تبدیلیاں اور سیکیورٹی اقدامات: چیئرمین پی سی بی محسن نقوی نے اعلان کیا ہے کہ خطے کی موجودہ صورتحال اور سیکیورٹی خدشات کے پیشِ نظر پی ایس ایل کے تمام میچز صرف دو شہروں، کراچی اور لاہور تک محدود کر دیے گئے ہیں۔ مزید برآں، احتیاطی تدابیر کے طور پر اس بار شائقینِ کرکٹ کو اسٹیڈیم آنے کی اجازت نہیں ہوگی اور تمام مقابلے بند دروازوں (Behind closed doors) میں کھیلے جائیں گے، تاہم شائقین ٹی وی اور ڈیجیٹل پلیٹ فارمز پر لائیو ایکشن دیکھ سکیں گے۔