پیٹرولیم کی بلاتعطل فراہمی حکومت کی اولین ترجیح ہے، وزیرخزانہ

وفاقی وزیر خزانہ سینیٹر محمد اورنگزیب کی زیر صدارت پیٹرولیم سے متعلق کابینہ کمیٹی کا اجلاس ہوا،جس میں ملک میں توانائی کی فراہمی اور عالمی منڈی کی صورتحال کا تفصیلی جائزہ لیا گیا۔

کمیٹی کو بریفنگ میں بتایا گیا کہ ملک میں پٹرولیم مصنوعات کے ذخائر تسلی بخش سطح پر موجود ہیں۔درآمدی انتظامات اور مقامی پیداوار سے سپلائی مستحکم ہیں ہے۔جبکہ ملک میں پیٹرولیم مصنوعات کی ترسیل کا نظام معمول کے مطابق جاری ہے۔ حکومت عالمی اور مقامی قیمتوں کے فرق کا مسلسل جائزہ لے رہی ہے۔

اجلاس میں آگاہ کیاگیاکہ مارچ اور اپریل کیلئے پیٹرول کارگو کی بڑی مقدار پہلے ہی محفوظ ہے۔ ملک میں ریفائنریز معمول کے مطابق کام کر رہی ہیں۔کمیٹی نے ریفائنریز کی پیداوار برقرار رکھنے کی ہدایت کی۔ اور توانائی سپلائی چین میں مکمل تیاری اور ہم آہنگی پر زوردیا۔

وزیر خزانہ محمد اورنگزیب نےمتعلقہ اداروں کو صورتحال پر کڑی نظر رکھنے کی ہدایت کرتے ہوئے کہاکہ ملک میں پیٹرولیم کی بلا تعطل فراہمی حکومت کی اولین ترجیح ہے۔