آج پاکستان سمیت متعدد ممالک میں دن اور رات کا دورانیہ یکساں ہوگا

آج 20 مارچ کو دنیا کے مختلف خطوں سمیت پاکستان میں دن اور رات کا دورانیہ تقریباً برابر ہو گیا ہے۔

سائنسی اصطلاح میں اس مظہر کو Spring Equinox کہا جاتا ہے، جب سورج عین خطِ استوا کے اوپر ہوتا ہے اور دن و رات تقریباً 12، 12 گھنٹے کے ہو جاتے ہیں۔

ماہرین کے مطابق یہ قدرتی مظہر سال میں دو مرتبہ پیش آتا ہے، ایک مارچ میں اور دوسرا ستمبر میں جسے Autumn Equinox کہا جاتا ہے۔

اگرچہ اس موقع پر دن اور رات کو برابر کہا جاتا ہے، تاہم سورج کی روشنی کے پھیلاؤ اور فضائی اثرات کے باعث دن کا دورانیہ چند منٹ زیادہ ہو سکتا ہے۔