محمد ذوہیب خان ایشین-اوشینین کمپیوٹنگ انڈسٹری آرگنائزیشن کے وائس چیئرمین منتخب

پاکستان کے آئی ٹی سیکٹر کے لیے ایک تاریخی اور بڑی کامیابی سامنے آئی ہے جہاں محمد ذوہیب خان کو ایشین-اوشینین کمپیوٹنگ انڈسٹری آرگنائزیشن (ASOCIO) کا وائس چیئرمین منتخب کر لیا گیا ہے۔ وہ تنظیم کی 25 سالہ تاریخ میں اس باوقار عہدے پر فائز ہونے والے پہلے پاکستانی بن گئے ہیں۔ پاشا (P@SHA) کے سابق چیئرمین اور ‘پرائیڈ آف پاکستان’ کے حامل ذوہیب خان ASOCIO کے بورڈ ممبر بھی منتخب ہوگئے ہیں۔ واضح رہے کہ بین الاقوامی آئی ٹی تنظیم ASOCIO ایشیا اور اوشیانا خطے کی 26 معیشتوں کی قومی ٹیک ایسوسی ایشنز کی نمائندگی کرتی ہے، اور اس انتخاب سے پاکستانی سافٹ ویئر برآمدات اور عالمی شراکت داریوں کو مزید فروغ ملنے کی توقع ہے۔