مریخ سے متعلق نئی تحقیق میں سائنس دانوں کا اہم انکشاف

یونیورسٹی آف واشنگٹن کی ایک نئی تحقیق میں انکشاف کیا گیا ہے کہ مریخ کے شمالی قطب پر موجود برف میں سائنس دانوں کے تخمینے سے کم گرد و غبار پایا جاتا ہے۔ جرنل این پی جے اسپیس ایکسپلوریشن میں شائع ہونے والی اس تحقیق کے مطابق، برف پر جمی گرد و غبار سورج کی روشنی کو منعکس کرنے اور سیارے کے درجہ حرارت پر اثر انداز ہوتی ہے۔ محققین کا کہنا ہے کہ یہ اہم دریافت مریخ کے موسمیاتی ماضی کو سمجھنے اور اس امر کا جائزہ لینے میں مددگار ثابت ہو سکتی ہے کہ آیا یہ سرخ سیارہ کبھی زندگی کے لیے سازگار ماحول کا حامل تھا یا نہیں۔