گاڑی کی USB پورٹ سے موبائل فون سست چارج کیوں ہوتا ہے؟ وجہ سامنے آگئی

سفر کے دوران گاڑی میں سمارٹ فون چارج کرنے والے صارفین کو اکثر یہ شکایت رہتی ہے کہ فون گھر کے مقابلے میں بہت سست چارج ہوتا ہے۔ ماہرین کے مطابق فون کی چارجنگ کا انحصار وولٹیج، ایمپئرز اور واٹس پر ہوتا ہے، جبکہ اکثر گاڑیوں میں نصب پرانی USB-A پورٹس صرف 0.5 ایمپیئر تک محدود کرنٹ فراہم کرتی ہیں، جو جدید اسمارٹ فونز کے لیے ناکافی ہے۔ اگرچہ USB-C ٹیکنالوجی نے اس صورتحال میں بہتری پیدا کی ہے، تاہم محدود پاور سپلائی اب بھی سست چارجنگ کی بڑی وجہ ہے۔ ماہرین کا کہنا ہے کہ تیز رفتار چارجنگ کے لیے گاڑی میں مناسب USB-C پورٹ نہ ہونے کی صورت میں زیادہ پاور فراہم کرنے والا کار چارجر استعمال کرنا ایک بہتر حل ہے۔