توانائی تنصیبات پر حملوں کے بعد عالمی منڈی میں خام تیل کی قیمت میں 7 فیصد اضافہ

مشرق وسطیٰ میں حالیہ کشیدگی کے باعث عالمی منڈی میں خام تیل کی قیمتوں میں تیزی آ گئی ہے۔

اسرائیل کی جانب سے ایران کے گیس فیلڈ پر حملے اور اس کے ردعمل میں ایران کی طرف سے قطر کی آئل ریفائنری کو نشانہ بنانے کے بعد خطے کی صورتحال مزید کشیدہ ہو گئی ہے، جس نے عالمی توانائی کی فراہمی پر خدشات بڑھا دیے ہیں۔

برطانوی خام تیل کی قیمت میں 7 فیصد اضافہ ہوا ہے، جس کے بعد یہ 111 ڈالر فی بیرل تک جا پہنچی ہے، جبکہ امریکی خام تیل کی قیمت میں 3.1 فیصد اضافہ ریکارڈ کیا گیا ہے اور نئی قیمت 99.3 ڈالر فی بیرل ہو گئی ہے۔

معاشی ماہرین کے مطابق خطے میں جاری کشیدگی عالمی توانائی منڈی میں غیر یقینی صورتحال کو بڑھا رہی ہے، جس کے باعث قیمتوں میں مزید اضافہ یا کمی دونوں امکانات موجود ہیں۔