ہاکی ورلڈکپ کے شیڈول کااعلان، پاک بھارت ٹاکرا19 اگست کوہوگا

انٹرنیشنل ہاکی فیڈریشن نے ہاکی ورلڈ کپ کے شیڈول کا اعلان کر دیا جس کے مطابق  پاکستان اور بھارت کا ٹاکرا 19 اگست کو ہوگا۔

ہاکی ورلڈکپ کا آغاز15اگست سےہالینڈ اوربیلجیم کی مشترکہ میزبانی میں ہوگا۔پہلا میچ آسٹریلیا اور جاپان کے درمیان ہو گا ۔پاکستان اپنا پہلا میچ 15اگست کو انگلینڈ کے خلاف کھیلے گا جبکہ  17  اگست کو پاکستان اور ویلز کی ٹیمیں آمنے سامنے ہوں گی۔

پاکستان اور بھارت کے درمیان بڑا مقابلہ 19 اگست بروز بدھ کو کھیلا جائے گا، پاک بھارت ہاکی میچ ویگنر ہاکی اسٹیڈیم  نیدرلینڈ میں ہوگا اور یہ  میچ پاکستانی وقت کے مطابق شام 6 بجے شروع ہوگا۔یاد رہے کہ پاکستانی ہاکی ٹیم نے آٹھ سال بعد ہاکی ورلڈ کپ میں کوالیفائی کیا ہے۔