آئی سی سی ون ڈے کرکٹرز رینکنگ: بابراعظم چھٹے، سلمان علی آغا 9 ویں، شاہین آفریدی 25 ویں

کراچی: انٹرنیشنل کرکٹ کونسل (آئی سی سی) نے ون ڈے کرکٹ کے تازہ ترین رینکنگ جاری کردی ہیں۔

بیٹرز رینکنگ:
نیوزی لینڈ کے ڈیرل مچل نے پہلے نمبر کی پوزیشن برقرار رکھی ہے، جبکہ پاکستان کے کپتان بابراعظم چھٹے نمبر پر قائم ہیں۔ سلمان علی آغا نو درجہ بہتری کے بعد 9 ویں نمبر پر پہنچ گئے۔ محمد رضوان دو درجہ تنزلی کے بعد 26 ویں نمبر پر آئے جبکہ فخر زمان چار درجے تنزلی کے بعد 31 ویں نمبر پر براجمان ہیں۔ بنگلہ دیش کے تنزید حسن 31 درجے بہتری کے بعد 55 ویں نمبر پر آ گئے۔

باؤلرز رینکنگ:
افغانستان کے راشد خان پہلے نمبر پر برقرار ہیں، انگلینڈ کے جوفرا آرچر دوسری پوزیشن پر ہیں۔ بنگلہ دیش کے مہدی حسن میراز نو درجے بہتری کے بعد 7 ویں نمبر پر پہنچ گئے۔ پاکستان کے ابرار احمد چار درجے تنزلی کے بعد 13 ویں نمبر پر آئے۔ شاہین آفریدی اور حارث رؤف ایک ایک درجہ بہتری کے بعد بالترتیب 17 اور 19 ویں نمبر پر ہیں۔ بنگلہ دیش کے تسکین احمد 12 درجے بہتری کے بعد 28 ویں اور مستفیض الرحمن 13 درجے بہتری کے بعد 47 ویں نمبر پر پہنچ گئے۔

آل راؤنڈرز رینکنگ:
افغانستان کے عظمت اللہ عمرزئی پہلے نمبر پر برقرار ہیں۔ بنگلہ دیش کے مہدی حسن میراز دو درجے بہتری کے بعد دوسرے نمبر پر پہنچ گئے۔ پاکستان کے سلمان آغا تین درجے بہتری کے بعد 11 ویں نمبر پر ہیں، جبکہ شاہین آفریدی 45 درجے بہتری کے بعد 25 ویں نمبر پر پہنچ گئے۔