ایران كا فٹبال ورلڈكپ میں اپنے میچزامریكا سے میكسیكومنتقل كرنے كا مطالبہ

ایران نے فٹبال ورلڈ کپ میں اپنے میچز امریکا سے میکسیکو منتقل کرنے کا مطالبہ کر دیا۔ایران فٹبال فیڈریشن كے صدر مہدی تاج نے كہاكہ جب ڈونلڈ ٹرمپ خود کہہ رہے کہ ہمارا امریکا جانا ٹھیک نہیں تو ہم نہیں جائیں گے۔انہوں نے کہا کہ  ہمارے میچز امریکا سے میکسیکو منتقل کرنے پر بات چیت جاری ہے۔

ڈونلڈ ٹرمپ نے پچھلے دنوں کہا تھا کہ ایران فٹبال ٹیم کی سیکیورٹی کیلئے بہتر ہے کہ وہ امریکا نہ آئیں۔ ادھربرطانوی میڈیا کا کہنا ہے کہ فیفا کے جانب سے ایران کا مطالبہ تسلیم کیے جانے کا امکان کم ہے۔دوسری جانب فیفا نے ردعمل میں کہا ہے کہ  ورلڈ کپ کے معاملے پر ایران سمیت تمام رکن ملکوں سے رابطے میں ہیں۔

واضح رہے کہ گزشتہ دنوں ایران نے رواں سال امریکا میں ہونے والے فیفا فٹبال ورلڈکپ میں شرکت نہ کرنے کا فیصلہ کیا تھا۔ فیفا ورلڈکپ 2026 امریکا، کینیڈا اور میکسیکو میں کھیلا جانا ہے۔