ڈونلڈ ٹرمپ ہمت کریں، خلیج فارس میں امریکی بحریہ بھیجیں: پاسداران انقلاب

ایرانی پاسداران انقلاب کے ترجمان کا کہنا ہے کہ امریکی صدر ڈونلڈ ٹرمپ کے دعوے کہ ایرانی بحریہ ختم ہوگئی، حقیقت سے بعید ہیں۔ انہوں نے کہا کہ اگر واقعی ایرانی بحریہ ختم ہوچکی تو صدر ٹرمپ ہمت دکھائیں اور حقیقت کا سامنا کریں۔

ایک بیان میں مزید کہا گیا کہ ایران نے ابھی وہ میزائل استعمال نہیں کیے جو 2025 میں تیار کیے گئے تھے، اور جون 2025 کے بعد تیار کیے گئے میزائل بھی ابھی منظرِ عام پر نہیں آئے۔

دوسری جانب امریکی صدر نے کہا کہ اگر آبنائے ہرمز کھلوانے کے لیے نیٹو نے امریکا کی مدد نہیں کی تو اس کا مستقبل بہت برا ہوگا۔ ڈونلڈ ٹرمپ نے کہا کہ یورپ اور چین تیل کی ترسیل کے لیے آبنائے ہرمز کھلوانے کی کوششوں میں شامل ہوں، اور اگر چین نے مدد نہ کی تو چینی صدر سے ملاقات میں تاخیر ہوسکتی ہے۔

واضح رہے کہ ایران کے وزیر خارجہ عباس عراقچی نے کہا ہے کہ آبنائے ہرمز امریکا اور اس کے اتحادیوں کے علاوہ سب کے لیے کھلی ہے اور یورپی ممالک نے اس سلسلے میں رابطہ کیا ہے۔