نیوزی لینڈ کرکٹ ٹیم کے کوچز کو پاکستان سپر لیگ کے لیے چھٹی مل گئی

نیوزی لینڈ کرکٹ نے اسلام آباد یونائیٹڈ کے ہیڈ کوچ لوک رونکی اور اسسٹنٹ کوچ جیکب اورم کو پاکستان سپر لیگ (پی ایس ایل) میں کوچنگ کے لیے چھٹی دے دی۔

اعلامیے کے مطابق لوک رونکی اور جیکب اورم نیوزی لینڈ کرکٹ ٹیم کے اسسٹنٹ کوچز ہیں، جو ساؤتھ افریقا کے خلاف ہوم سیریز اور دورہ بنگلا دیش مس کریں گے۔نیوزی لینڈ کرکٹ کے مائیک سینڈل کا کہنا ہے کہ پی ایس ایل میں کوچنگ کا تجربہ ان کی مہارت میں اضافہ کرے گا اور نیوزی لینڈ ٹیم کے لیے فائدہ مند ہوگا۔واضح رہے کہ نیوزی لینڈ اور ساؤتھ افریقا کے درمیان پہلا ٹی ٹوئنٹی میچ 15 مارچ کو ہوگا، اور نیوزی لینڈ کرکٹ نے دونوں کوچز کے متبادل بھی مقرر کر دیے ہیں۔