کراچی میں دکان سے برآمد ہونے والے ’شیطانی‘ مجسمے کا معمہ حل

کراچی کے علاقے مہران ٹاؤن میں ایک دکان سے برآمد ہونے والے ’شیطانی شکل‘ کے مجسمے کا معاملہ حل ہوگیا۔

سماجی رابطے کی ویب سائٹس پر شیطان نما مجسمے کی ویڈیو وائرل ہونے کے بعد کورنگی صنعتی ایریا پولیس نے فوری کارروائی کرتے ہوئے مجسمے کو قبضے میں لے کر تھانے منتقل کیا۔پولیس کے مطابق دکاندار اس وقت موجود نہیں تھا، تاہم بعد میں مجسمہ بنانے والے کاریگر کو بھی پکڑ لیا گیا۔ تحقیقات میں معلوم ہوا کہ تھرموپول سے بنایا گیا یہ مجسمہ ایک مذہبی اسکالر کے کہنے پر دکاندار عمران نے تیار کیا تھا۔دکاندار نے پولیس کو بتایا کہ علامہ صاحب نے کہا تھا کہ یہ پتلا یوم القدس کے موقع پر جلوس میں احتجاج کے طور پر نذر آتش کیا جائے گا۔پولیس نے مجسمہ ساز کا وضاحتی بیان ریکارڈ کرنے کے بعد اسے جانے کی اجازت دے دی۔