ایڈمٹ کارڈ پر امیدوار کے بجائے کتے کی تصویر چھاپ دی گئی

بھارت کے بہار ریاست کے ضلع روہتاس میں چپڑاسی بھرتی کے امتحان کے لیے جاری ایڈمٹ کارڈ پر ایک امیدوار کی تصویر کی جگہ کتے کی تصویر چھپنے سے تنازع کھڑا ہو گیا ہے۔

انڈین میڈیا کے مطابق 15 مارچ کو ہونے والے امتحان کے ایڈمٹ کارڈ پر امیدوار کا نام، رول نمبر اور دیگر تفصیلات درست درج ہیں، تاہم تصویر غلط چھپی ہوئی ہے۔ اس نے کہا کہ وہ ایڈمٹ کارڈ درست کروانے کے لیے کئی دفعات بھرتی بورڈ کے چکر لگانے پر مجبور ہے۔

امیدوار نے بتایا کہ اس نے 2022 میں بھرتی کے لیے درخواست دی تھی اور اس دوران کئی بار شکایت کی، مگر اب تک اس کی کوئی شنوائی نہیں ہوئی۔ اس نے مزید کہا کہ اسامیاں 2022 میں جاری ہوئیں، لیکن ابتدائی امتحان اب منعقد کیا جا رہا ہے۔

امیدوار کے مطابق اس نے ایڈمٹ کارڈ دیکھ کر دنگ رہ گیا، اور درخواست دیتے وقت اپنی تصویر بالکل درست اپ لوڈ کی تھی، جس کا ثبوت بھی اس کے پاس موجود ہے۔

یہ مضحکہ خیز غلطی حکومتی بھرتی کے عمل اور آن لائن ایپلیکیشن سسٹم کی سنجیدگی پر سوالات اٹھا رہی ہے۔ امیدوار نے مطالبہ کیا ہے کہ بورڈ اس مسئلے کو فوری حل کرے تاکہ وہ سکون سے امتحان دے سکے اور غفلت برتنے والوں کے خلاف سخت کارروائی کی جائے۔