کرایہ سمجھ کر دیا گیا سکّہ دو ہزار سال پرانی تہذیب کا نکلا

برطانیہ کے شہر لیڈز میں 1950 کی دہائی میں بس کرایہ ادا کرنے کے لیے استعمال ہونے والا ایک عجیب و غریب سکّہ تحقیق کے بعد دو ہزار سال سے بھی زائد قدیم تہذیب سے تعلق رکھنے والا نکلا۔

یہ سکّہ پہلے ایک مقامی بس ڈرائیور کے پاس کرایے کے طور پر آیا، بعد ازاں جیمز ایڈورڈز کے پاس پہنچا، جو لیڈز سٹی ٹرانسپورٹ میں چیف کیشیئر تھے۔ ان کا کام دن بھر جمع ہونے والے کرایوں کی گنتی کرنا اور دن کے اختتام پر رپورٹ دینا تھا۔ چونکہ یہ سکّہ رائج نہیں تھا، اس لیے مسٹر ایڈورڈز نے اسے اپنے گھر لے جا کر اپنے کم عمر پوتے پیٹر کو تحفے میں دیا، جس نے اسے چھوٹے لکڑی کے صندوق میں ستر برس تک محفوظ رکھا۔

بعد ازاں لیڈز یونیورسٹی کے ماہرین آثار قدیمہ نے تحقیق کے بعد بتایا کہ یہ سکّہ فونیقی تہذیب سے تعلق رکھنے والا کارتھی جینینز ہے اور پہلی صدی قبل مسیح میں ہسپانوی شہر قادِز میں ڈھالا گیا تھا۔

77 سالہ پیٹر کے مطابق ان کے دادا اکثر ایسے غیر ملکی سکے جمع کرتے اور انہیں الگ رکھتے، اور جب بھی پیٹر ان کے گھر آتے تو انہیں چند سکے دے دیا کرتے تھے۔